Nis sot faza çerekfinale e Europa League me ndeshjet që do të luhen të gjitha në Gjermani. Mbrëmjen e sotme duke filluar nga ora 21:00, Interi dhe Man.United luajnë përkatësisht ndaj Bayern Leverkusen dhe Copenhagen teksa do të synojnë kualifikimin për në gjysmëfinale.
Interi që në fazën e 1/16-ve eliminoi Getafen do të besojë kryesisht te Romelu Lukaku në këtë ndeshje me belgun që do të kërkojë të imitojë Fenomenin Ronaldo që në 1997/98 shënoi 34 gola e që për më tepër drejtoi Interin drejt fitores së Kupës UEFA.
Belgu deri tani është në kuotën e 30 golave dhe shanset që edhe ai të ndihmojë Interin të fitojë këtë kompeticion janë të mëdha.
Nga ana tjetër, Manchester United, në letër është favorite ndaj danezëve të Copenhagen. Trajneri Solskjaer konfirmoi se në këtë ndeshje do të mungojë Jones, ndërkohë që norvegjezi duhet të vendosë edhe për portën. Romero ka qenë këtë sezon portieri i Europa League për Djajtë e Kuq, por nuk përjashtohet mundësia që këtë radhë të aktivizohet De Gea. K
jo ndeshje do të jetë edhe sfida mes dy trajnerëve Solskjaer dhe Solbakken të cilët kanë luajtur përkrah njëri-tjetrit kur ishin futbollistë, me këta të fundit që nuk ngurruan të vlerësojnë në maksimum cilësitë e kundërshtarëve respektivë.
