Olsi Çekiçi doli sot para Gjykatës, ku iu caktua masa e sigurisë “arrest me burg”, pas krimit makabër që kreu, duke i prerë kokën nënës së tij, Firdes Çekiçi.
Ai akuzohet për “vrasje me dashje për shkak të marredhenieve familjare” dhe “dhunë në familje”.
Ashtu si dhe pas krimit, autori është shfaqur shumë i qetë në sallën e gjyqit.
Sipas dëshmisë së vajzës 15- vjeçare të autorit, ajo ndodhej te fqinja, ndërsa kur doli pa se çfarë kishte ndodhur.
“I shtrova tavolinën babait për të ngrënë dhe shkova te komshiu ngjitur për të kërkuar diçka. I lashë edhe babin tim, edhe gjyshen në shtëpi. Dëgjova të bërtitura dhe dola kur pashë se çfarë kishte ndodhur. Mora biçikletën dhe shkova në Komisariatin e Pogradecit që të thërrisja Policinë”, është shprehur e mitura.
Sherri për të lehurat e qenit është bërë shkak sipas fqinjëve për ngjarjen horror.
Vëllai i autorit ka hedhur në drejtim të qenit një send për shkak se ai po lehte, ndërsa ky dyshohet se është bërë shkaku i asaj që u kthye më tej në një krim makabër.
Gjithçka ka ndodhur në kuzhinën e shtëpisë së familjes Çekiçi, ku autori, pasi goditi me mjete të forta nënën e tij, arriti deri aty sa t’i priste asaj kokën dhe më pas t’ia varte te porta e shtëpisë.
