Policia e Elbasanit deklaroi dje arrestimin e dy personave lidhur me dy vrasje të ndodhura në Elbasan në 10 ditët e fundit të muajit korrik.
Një nga persona e arrestuar ishte shtetasi Eugen Halili, që sipas policisë ishte vrasës me pagesë. Madje Halili akuzohet nga policia se ka qëlluar plot 27 herë me thikë një nga personat e vrarë në Elbasan, ngjarje e ndodhur pranë varrezave të qytetit.
Pas publikimit të emrit në rrjet qarkulluan foto, ku ai shfaqej si një mbështetës i Rilindjes.
Së fundmi është publikuar edhe një foto ku personi akuzuar nga policia si vrasës me pagesë shfaqet në krah të Erion Veliajt.
Foto është publikuar nga ish-Kryeministri Sali Berisha, i cili e shoqëron me komentin “vrasësi me pagesë Eugen Halili me mikun e tij Lal Plehu”.
