Dy zv. kryetarët e bashkisë së Lezhës, Oliana Moriseni dhe Ermal Pacaj kanë fituar betejën me koronavirusin.
Kjo bëhet e ditur nga Pjerin Ndreu, Kryebashkiaku socialist i Lezhës, i cili shprehet se mezi pret që dy zëvendësit e tij të kthehen në punë për të ecur më shpejt në punët e përditshme.
“Oliana dhe Ermali, dy Zv. Kryetarët e Bashkisë Lezhë, kane kaluar me sukses Covid-19.
Sakrifica që ata bënë është pjesë e seriozitetit që ne kemi si staf, duke vlerësuar situaten për mos infektimin e familjeve dhe kolegëve”, shkruan Ndreu.
Rreth 3 javë më parë u raportua se dy zv.kryetarët e Bashkisë së Lezhës ishin infektuar nga koronavirusi, ndërsa në dy testet që iu bënë kryebashkiakut Pjerin Ndreu ai doli negativ.
