Juventusi ka bërë gjithçka zyrtare teksa ka njoftuar shkarkimin e Maurizio Sarrit. Ky vendim u mor pas eliminimit të bardhezinjve në fazën e 1/16-ve të Ligës së Kampioneve.
“Klubi i Futbollit të Juventusit njofton se Maurizio Sarri është liruar nga posti i tij, si trajner i ekipit të parë. Klubi do të donte ta falënderonte trajnerin, që ka shkruar një faqe të re në historinë e Juventusit me fitoren e kampionatit të nëntë radhazi, kulmin e një udhëtimi personal, që e bëri atë të ngjitej në të gjitha divizionet e futbollit italian”.
Ndërkohë, mediat italiane kanë lakuar tri kandidatura të mundshme për ta zëvendësuar atë në stolin bardhezi. Simone Inzaghi, trajneri i Lazio, Zinedine Zidane, trajneri i Real Madridit dhe Roberto Mancini, kryepankina e kombëtares së Italisë, pëlqehen nga drejtuesit e “Zonjës së Vjetër”, por për të mbërritur tek ato ka pengesa, sepse të gjithë janë nën kontratë me klubet përkatëse.
