Pasditen e djeshme në Pogradec ndodhi një krim makabër, ku Olsi Çekiçi, 44 vjeç, masakroi me thikë të ëmën, Firdes Çekiçi. Krimi ndodhi në banesën e tyre, në sy të vajzës 15 vjeçare, të autorit, i cili ka pranuar krimin dhe nuk ka shprehur asnjë pendim.
Një i afërmi i të moshuarës që u masakrua nga djali i saj ka treguar se ka autori ka tentuar të vrasë vajzën e tij 15-vjeçare pasi i ka gjetur një mesazh në telefon.
Gjyshja ka ndërhyrë për të shpëtuar mbesën, por kjo tentativë e saj rezultoi fatale.
Autori dhunonte shpesh familjarët e tij. Ata kishin bërë denoncime në polici por pas disa shoqërimeve ishte lënë i lirë.
“Më datë 06.08.2020, rreth orës 18:10, në fshatin Buçimas, shtetasi O. Ç., rreth 44 vjeç (i cili vuan nga probleme mendore) dyshohet se ka qëlluar me thikë në banesë, nënën e tij shtetasen F. Ç., rreth 70 vjeçe, e cila për pasojë ka ndërruar jetë.
Në vendngjarje menjëherë kanë mbërritur shërbimet e policisë të cilat bënë të mundur shoqërimin e autorit të ngjarjes në ambientet e Komisariatit.
Grupi hetimor po punon për sqarimin e plotë të rrethanave të ngjarjes”, tha policia lidhur me ngjarjen.
