Përfundon më në fund “makthi” i Alexis Sanchez tek Manchester United. Trajneri Ole Gunnar Solskjaer konfirmoi se kiliani do t’i bashkohet zyrtarisht ekipit të Interit pasi u finalizua dhe kontrata.
Sanchez ka kaluar një sezon fantastik me fanellën zikaltër, teksa në Old Trafford nuk arriti të lërë një shenjë pasi në 45 paraqitje arriti të shënojë vetëm 5 gola.
Ndërkohë drejtori sportiv i Interit, Giuseppe Marotta ka deklaruar se gjatë ditës së sotme, kilianit do t’i paraqitet një kontratë me ekipin.
E pas kësaj, Solskjaer e kuptoi se Sanchez nuk do të rikthehej më në Angli. Pas ndeshjes me skuadrën e LASK në Europa League, Solskjaer foli për kilianin dhe se është i lumtur me zgjedhjen e tij.
Me këtë lëvizje, Man.United ka kursyer 40 milionë euro në formën e pagës që do t’i dorëzonte kilianit në dy vitet e ardhshme.
