Detaje të reja/ Ja çfarë e shkaktoi zjarrin në fasonerinë në Skrapar

Një zjarr i madh përfshiu pasditen e sotme një fasoneri në Skrapar, ku pononin mbi 100 gra dhe vajza të cilat merreshin me qepjen e çantave dhe këpucëve.

Shkak i rënies së zjarrit mësohet se është bërë një shkëndijë elektrike. Për pasojë, një prej makinerive që ndohej brenda fabrikës së këpucëve ka shpërthyer dhe ka bërë që e gjithë ndërtesa të marrë flakë.

Zjarrfikësja ka mbërritur në vendin e ngjarjes por nuk ka arritur të shuajë flakët. Kjo për faktin se në fabrikë ka materiale që digjen brenda pak sekondash, lëkurë, letër dhe plastikë. Pranë saj janë prekur vetëm tre banesa nga flakët, pasi fabrika ndodhet larg zonës së banuar dhe buzë lumit.

LEXO EDHE  Sistemi nuk ndryshon, listat e pahapura të Ramës/ Sa vota duhen sipas qarqeve për t'u bërë deputet

Gjithsesi, banorët e zonës përreth janë evakuuar. Punonjësit e fasonerisë kanë dalë me vrap nga fabrika sapo kanë parë flakët dhe fatmirësisht nuk ka asnjë të lëdnuar.

Ngjarja ndodhi pasditen e sotme, rreth orës 17:00, ndërkohë OSHEE-ja ka bërë me dije se ka stakuar linjën duke lënë të gjithë Skraparin përkohësisht pa energji elektrike.