Një bombul gazi ka shpërthyer në orët e para të mëngjesit të sotëm në një banesë në Pogradec.Si pasojë ka mbetur i plagosur pronari i shtëpisë Y. L., rreth 64 vjeç.
Ai është dërguar në spital dhe ndodhet nën kujdesin e mjekëve.
Grupi hetimor po punon për sqarimin e plotë të rrethanave të ngjarjeve të mësipërme.
“Në Pogradec, rreth orës 06:30, në lagjen nr.1, ka shpërthyer një bombul gazi në banesën e shtetasit Y. L., rreth 64 vjeç, i cili për pasojë ka marrë dëmtime trupore dhe ndodhet nën kujdesin e mjekëve në Spitalin e Pogradecit.
Grupet hetimore po punojnë për sqarimin e plotë të rrethanave të ngjarjeve të mësipërme”, njofton policia.
