Detaje të reja nga vrasja në Gjirokastër/ Pas krimit autori telefoni familjarët! Ja nga u arratis

Detaje të reja kanë dalë nga ngjarja e sotme në Gjirokastër ku u gjet i pajetë në makinë Gëzim Saraci, 57-vjeç, ndërsa është identifikuar që e goditi për vdekje me sende të forta dhe është shpallur në kërkim.

Saraci ka qenë duke udhëtuar me mjetin e tij, dhe autorin, emri i të cilit nuk është bërë ende publik, ndërsa ka ndodhur një konflikt i çastit, e për pasojë, ky i fundit e ka goditur me sende të forta duke e lënë të pajetë brenda mjetit.

Të njëjtat burime bëjnë me dije se pas krimit, ai ka telefonuar familjarët e tij, duke i vënë në dijeni për ngjarjen, dhe mendohet paraprakisht se identifikimi i shpejtë i tij është bërë pikërisht nga kjo telefonatë.

Pas kësaj, ai ka ikur me shpejtësi nga vendngjarja duke u larguar pranë lumit të Suhës. Sipas bluve të Gjirokastrës, është konstatuar se në trupin e viktimës ka shenja dhunë dhe dyshohet të jetë goditur me sende të forta. Ndërkohë janë ngritur në gjithë zonën pika kontrolli për identifikimin dhe shoqërimin e personave të dyshuar që mund të kenë marrë pjesë në krimin e rëndë.

LEXO EDHE  “Komunist i ndyrë”/ Tensione në Kuvend, ndërpritet 2 herë seanca

Ngjarja ka ndodhur pasditen e sotme në aksin rrugor rural Polican-Suhë, ndërsa 57 vjeçari është banues në Gjirokastër.

Shërbimet e Drejtorisë Vendore të Policisë dhe të Komisariatit të Policisë Gjirokastër kanë ngritur pika kontrolli dhe po kontrollojnë zonën për shoqërimin e  personave të dyshuar si autorë të ngjarjes apo që mund të kenë dijeni për ngjarjen.