Shtimi i rasteve me Covid-19, apeli i fortë i shefes së Infektivit: Mbroni shëndetin, mbani maska

Shefja e Infektivit Najada Çomo i ka drejtuar një apel qytetarëve të respektojnë masat për parandalimin e koronavirusit.

Përmes një mesazhi të bërë publik nga ministrja e Shëndetësisë, Ogerta Manastirliu, Çomo shprehet se qytetarët duhet të mbajnë maskën, respektojnë distancën si dhe të shmangim grumbullimet.

“Jemi në sezonin e verës. Kanë kaluar 5 muaj dhe fluksi i pacientëve ka ardhur duke u shtuar. Kam një apel për qytetarët që gjithë këto muaj pune intensive janë një lodhje e jashtëzakonshme.

LEXO EDHE  Injoranca dhe çudirat rilindase nuk kanë fund, etiketojnë rrugën në Durrës me emrin e një mbreti inekzistent (Foto)

Ju lutem respektoni masat për mbajtjen e maskës, ruani distancën dhe vizitoni sa më pak vendet me shumë njerëz.

Virusi është midis jush, është edhe midis nesh si personel shëndetësor që iu shërbejmë ne. Ne jemi për t’iu shërbyer juve, ju jeni për të mbrojtur shëndetin tuaj”, shprehet Çomo.