Covid-19 vijon të përhapet në institucionet shtetërore. Kështu pas rasteve të raportuara mbi punonjësit e shëndetësisë së prekur nga koronavirusi dhe atyre të policisë, së fundmi raportohet se Covid-19 ka prekur edhe shefin e Komisariatit të Burrelit, Gazmend Demrozi.
Demrozi ka rezultuar pozitiv prej 5 ditësh, ndërkohë që në komisariatin që ai drejton nuk është marrë asnjë masë. Nga raportimet mësohet se punonjësit e komisariatit ende nuk i janë nënshtruar tammponëve, çka duket se ka krijuar probleme te punonjësit.
Më parë janë raportuar zyrtarë të ndryshëm të policisë si të prekur nga Covid-19, ku rastet më të shumta kanë qenë në Elbasan dhe Tiranë.
