Në 24 orët e fundit kanë rezultuar 101 persona të infektuar nga koronavirusi në Shqipëri. Ministria e Shëndetësisë bën me dije se gjatë 24 orëve të fundit janë bërë 474 testime, ku 101 prej të testuarve kanë rezuluar pozitiv me Covid 19.
Sipas Ministrisë së Shëndetësisë, në Shqipëri janë 2417 raste aktive me Covid 19 të cilët po ndiqen nga mjekët e familjes.
Ndërkohë që në spitale gjenden të shtruar 122 persona, ku 14 prej tyre janë në terapi intensive, ndërsa 4 persona janë të intubuar.
‘Janë kryer 474 testime, 101 raste pozitive. Në total janë kryer 42657 testime. Gajtë 24 orëve të fundit janë shëruar 13 qytetarë, 2417 raste aktive po ndiqen nga mjekët e familjes.
Në spitalet infektivë po trajtohen 122 pacientë, 14 në terapi intensive, 4 prej tyre të intubuar’, deklaroi Ministria e Shëndetësisë.
