Vaksina anti-Covid, Rusia nis vaksinimin për popullatën në tetor

Ministri rus i Shëndetësisë, Mikhail Murashko, ka zbuluar planet e qeverisë për “vaksinim në shkallë të gjerë” ndaj koronavirusit në muajin tetor.

Duke folur për gazetarët, Murashko shtoi se mësuesit dhe punëtorët shëndetësorë do të jenë prioritet në këtë program vaksinimi. Megjithatë, ai nuk dha më shumë detaje rreth vaksinës apo këtij programi të vaksinimit.

Rusia raportoi se vaksina e parë potenciale për Covid-19 e Rusisë pritet të marrë miratimin e qeverisë në muajin gusht.

Rusia raportohet se ka zhvilluar dy vaksina, një është zhvilluar nga Instituti Gamaleya në bashkëpunim me Ministrinë e Mbrojtjes dhe një vaksinë tjetër po zhvillohet nga laboratori shtetëror për kërkime Vektor.

Zyrtarët rusë i thanë CNN se ata po punojnë që vaksina, e cila është krijuar nga Instituti Gamaleya me bazë në Moskë, të miratohet në datën 10 gusht ose më herët.

LEXO EDHE  Projekti francez: Vendet që miratojnë ligje jo demokratike nuk marrin fonde nga BE

Por Rusia nuk ka lëshuar të dhëna shkencore për testimin e vaksinave dhe CNN nuk është në gjendje të verifikojë sigurinë ose efektivitetin e saj. Kritikët thonë se shtyrja e vendit për një vaksinë vjen në mes të presionit politik nga Kremlini, që është i prirur të portretizojë Rusinë si një forcë shkencore globale.

Shkencëtarët rusë thonë se vaksina ka qenë e shpejtë për tu zhvilluar sepse është një version i modifikuar i një vaksine tashmë të krijuar për të luftuar kundër sëmundjeve të tjera.

Ministria e mbrojtjes ruse thotë se ushtarët rus shërbyen si vullnetarë për testimin e vaksinës.