Llapi vazhdon të “rrëmbejë” lojtarët e Superiores, arrin akordin me mbrojtësin e majtë

Llapi siguron përforcimin e radhës nga Kategoria Superiore. Pasi siguroi shërbimet e Eglantin Gjonit, i cili u largua nga Laçi pas katër viteve, klubi nga Podujeva ka zyrtarizuar akordin me Ardit Peposhin.

27-vjeçari i korsisë së majtë, ishte pjesë e Bylis në dy sezonet e fundit, teksa ka provuar të mbajë veshur edhe fanellat e Partizanit, Tiranës, Teutës, Korabit dhe Kukësit.

LEXO EDHE  COVID prek Barcelonën

Tani është gati të nisë aventurën e radhës në futbollin dardan. Peposhi ka firmosur për një vit me ekipin e Batatinës dhe do i bashkohet Llapit në fazën përgatitore për sezonin e ardhshëm, që do të nisë shumë shpejt.