Studimi/ Fëmijët mund të jenë mbartës dhe të transmetojnë koronavirusin

Një studim i ri amerikan mund të ndryshojë qasjen se fëmijët nuk janë mbartës të koronavirusit.

JAMA Pediatrics, revista mujore me autorë nga Shoqata Amerikane e Mjekëve, ka paraqitur rezultatet më të fundit nga një hulumtim.

Fëmijët në moshën 5 vjeç mund të jenë mbartës të koronavirusit në traktin e sipërm respirator. Madje të vegjlit kanë një ngarkesë virale 10 deri në 100 herë më shumë se të rriturit. Kjo nënkupton se fëmijët mund të kontribuojnë në transmetimin e infeksionit.

LEXO EDHE  Berisha shprehu gadishmërinë për të drejtuar PD-në, ja si përgjiet Basha

Megjithatë, bazuar nga të dhënat e OBSH-së, numri i fëmijëve të testuar që kanë rezultuar pozitivë është shumë herë më i vogël sesa i të rriturve. Kjo ngre si çështje nëse fëmijët mund të jenë asimptomatikë e njëkohësisht mbartës të fuqishëm të virusit. Mjekët bëjnë thirrje për vëmendje dhe kujdes të shtuar ndaj tyre./ Deutsche Welle