Ndryshimet kushtetuese janë miratuar ditën e sotme në Kuvend me 106 vota pro, 10 kundër, ndërsa 6 deputetë nuk morën pjesë në votim.
Në këtë mënyrë, Kuvendi ka hapur dritën jeshile jo vetëm për hapjen e listave të kandidatëve për deputetë, por edhe mundësinë e ndryshimit të formulës së koalicioneve.
DEPUTETET QË VOTUAN KUNDËR
Adriatik Alimadhi
Fatjona Dhimitri
Gjetan Gjetani
Kujtim Gjuzi
Elda Hoti
Lefter Maliqi
Erjon Piciri
Artur Roshi
Zef Shtjefni
Suzana Topi
DEPUTETET QE MUNGUAN
Amra Borova
Ralf Gjoni
Eljo Hyska
Enada Kallpani
Ligoraq Karamelo
Enver Roshi
Gjatë seancës parlamentare, Kryeministri Edi Rama nuk ka kursyer mesazhet në drejtim të ambasadorëve, të cilëve u tregoi se Shqipëria është një vend sovran, ka një Parlament sovran, një Kryeministër sovran dhe sipas Komisionit të Venecias mund të zgjedhë vetë sistemin zgjedhor që do të aplikojë.
Por gjithashtu, Rama nuk ka kursyer as fyerjet në drejtim të deputetëve që kundërshtuan ndryshimet Kushtetuese.
Rama ka thënë se me ndryshimet kushtetuese nuk do vinë në Kuvend deputet të cilët janë zgjedhur rastësisht nga kryetari i një partie.
“Sa për komunistin unë nuk kam asnjë lidhje emocionale ose intelektuale me komunizmin, im atë po ka qenë si shumë të tjerë dhe kanë qenë në anën e duhur të historisë kur ju..të thuash ty ju është fyerje per Mithat Frashërin ti je një mbetje e lodhur në një gropë të historisë.
Unë skam asnjë problem me komunistë e si ballistë si persona dhe ju këtë e mësuat nga Enver Hoxha se ju bëri më të zinj se veten. Ju mësoi të merreni jo me mesazhin por me mesazherin. Ju të kishit gjë në dorë do ishit bërë më të zinj se Enver Hoxha.
Ndarja këtu është. Socialistët janë anti fashist dhe anti komunist por nuk merren me personat por me ideologjitë. Ju jeni kopje e zezë, Saliu i pari dhe ata që janë jashtë, jeni e zeza ku e ktheni politikë në instrument për të sharë njerë, kur politika është përballje idesh.
Ti je thjeshtë një lopatë, bishti i një lopate që quhet balli numër dy dhe pretendon të vish prapë në parlament ti (Alimadhit). Me votimin e sotëm vagonat me lopata do të shkëputen nga treni i pluralizmit. Që kjo do votohet sot ka vdek se votat janë aty”, tha Rama.
