Piloti i Mercedes, Lewis Hamilton, dëshiron të garojë në Formula 1 për të paktën edhe 3 vite të tjera.
Anglezi është 35 vjeç, por pavarësisht kësaj, ai është në kulmin e karrierës dhe paraqitjet e tij janë thjesht të jashtëzakonshme.
Kontrata e tij me Mercedes mbaron në fund të këtij sezoni, por Hamilton nuk e ka mendjen aspak aty.
“Dua të paraqitem në nivelin që kam tani gjithmonë, por do të vijë një moment që fizikisht dhe psikologjikisht nuk do të mundem ta përballoj. Nuk e di se çfarë do të ndodhë, por nuk besoj se do të ndodhë tani shpejt, për të paktën 2 apo 3 vite jo.”
