BE merr masa ndaj sulmeve kibernetike/ Miratohen sanksionet që godasin Rusinë

Bashkimi Evropian ka miratuar ditën e sotme sanksionet e para kundër disa sulmuesve kibernetikë, duke shënjestruar kështu katër shtetas rusë dhe një njësi të agjencisë së inteligjencës ushtarake të Rusisë (GRU).

Mediat e huaja bëjnë të ditur se në listën e sanksioneve të bllokut evropian përfshihen edhe dy subjekte me bazë në Kinë dhe Korenë Veriore si dhe dy shtetas kinezë.

LEXO EDHE  BE-ja prezanton planin për të lehtësuar krizën e energjisë në Evropë

Po ashtu bëhet e ditur se masa kufizuese tashmë  do të merren kundër gjashtë individëve dhe tri subjekteve pasi janë përgjegjëse ose të përfshira në disa sulme kibernetike.

Sanksionet përfshijnë ndalesë në udhëtim dhe ngrirje të aseteve  ndërkohë shtetasve të BE-së u ndalohet që në mënyrë të drejtpërdrejtë ose jo, të kenë qasje te shënjestrat.