Luftëtari ka befasuar Kukësin me fillimin e pjesës së dytë teksa kanë barazuar rezultatin në 2-2.
Pjesa e parë u mbyllë 0-2 në favor të verilindorëve por vendasit kanë barazuar gjithcka me anë të Gresil Likës dhe Haxhiu. Goli i parë erdhi në minutën e 47-të ndërsa goli që solli baraspeshën u shënua vetëm 3 minuta më vonë.
Ndërkohë në minutën e 54-t arbitri i ndeshjes akordoi dy kartonë të kuq. Alinani ndërhyn në mënyrë të parregullt në mesfushë ndaj Limajt ndërsa ky i fundit rrëzohet, e më pas çohet dhe i kërkon llogari kundërshtarit.
Lojtarët shtyhen njëri-tjetrin dhe nisin të përleshen. Arbitir Ziri ndalon lojën dhe u jep karton të kuq të dyve. Luftëtari dhe Kukësi mbeten me nga një lojtar më pak.
