Të qeni një yll i muzikës botërore, automatikisht përkthehet në një jetë të bukur plot qejfe, por në fakt babai i Dua Lipës, Dukagjini, ka hedhur poshtë këtë mëyrë të menduari, pasi ai e njeh mirë këtë mënyrë jetese, dhe nuk është aq e bukur sa duket. Dhe këtë e bën duke zbuluar detaje nga jeta e vajzës së tij të famshme, e cila aktualisht është një nga yjet më të famshëm të muzikës botërore gjithnjë në ngjitje. Gjithçka ai ka e bërë publike këtë të premte në “A show” në “SYRI TV”.
“Kur jemi në turne, një prej shqetësimeve kryesore të mia është shëndeti mendor. Është shumë e vështirë. Fluturon në orë 03:00 apo 04:00. Duhet të shkosh në hotel të pushosh. Më pas është koha e shout, që zgjat dy orë dhe është një shtrydhje e madhe fizike dhe mendore”.
“Dua ka bërë rreth 245 koncerte në pak kohë. Në çdo rast ti duhet të jesh profesionist dhe duhet të tregosh 100% tënd, sepse njerezit kanë ardhur me të pa ty. Kjo është shumë e vështirë, por kemi një staf, një grup fantastik nga i pari deri të i fundit, që duhet t’i falenderoj, sepse jemi një familje e madhe. Edhe kur nuk jam unë, ata i gjenden pranë”.
“Dua është perfeksioniste dhe ka dëshirë, që çdo gjë të ecë në rregull. Ajo këndon gjithmonë ‘live’. Dhe në ‘live show’ shumë shpesh ndodhin gabime, por kemi pas mirëkuptimin e njerëzve, se mund të ndodhin gjëra të tilla”.
Ndonjëherë ka pas probleme me veshin, i infektuar nga kufjet e profesionale, por e ka ndërprerë sepse dhimbja ishte e padurueshme. E kemi bërë koncertin një javë më vonë”.
