Albert Zekaj, i cili në vitin 2017 vrau me çekiç shokun e tij, është dënuar me burgim të përjetshëm. Krimi makabër ndodhi në Fier, ndërsa autori dhe viktima, Kreshnik Beqiraj jetonin në një banesë.
Zekaj masakroi me çekiç Beqirajn, ndërsa trupi i pajetë i tij u zbulua në një kanal.
Trupi i tij u gjet në Daullas i dekompozuar. Përpara grupit hetimor, Zekaj rrëfeu asokohe se shkak për vrasjen ishte bërë konflikti për qiranë e banesës, e cila sipas tij nuk ishte paguar nga viktima prej disa muajsh.
Përpara hetuesve Zekaj pranoi krimin dhe u shpreh “e qëllova me çekiç në kokë disa herë. Kisha konsumuar dy dopio pije alkoolike. Fsheha trupin që të ngrinte gjaku e mos të kishte shenja. Pas tre ditësh e copëtova dhe e mbulova me batanije. E mbajta tre ditë në shtëpi”.
