Vajza 9-vjeçare ndërron jetë nga koronavirusi, viktima më e re në Florida

Një vajzë 9-vjeçare është personi më i ri që ka ndërruar jetë nga koronavirusi në Florida të SHBA-ve.

Kimora “Kimmie” Lynum ka ndërruar jetë më 18 korrik në Putnam. Zëdhënësi i familjes së të ndjerës, Dejeon Cain, ka bërë të ditur se ajo nuk kishte pasur më herët probleme tjera shëndetësore.

“Ajo ishte gjithmonë e lumtur dhe na bënte të gjithëve të lumtur. Ishte fenomenale”, tha Cain.
Në anën tjetër, familjarët e saj nuk po e dinë se ku dhe si ajo mund të jetë infektuar me COVID-19. Ajo dukej e shëndetshme, dhe pothuajse tërë verën e ka kaluar në shtëpi duke mos shkuar në shkollë apo kampingje.

LEXO EDHE  Merret vendimi! Zyrtarët e FDA mbështesin Pfizer për fëmijët mbi 5 vjeç

E ëma e Kimmie ishte testuar për COVID-19, por deri më tani nuk i ka marrë rezultatet, ka njoftuar Cain. Të dhënat mjekësorë nuk tregojnë se vogëlushja kishte pasur ndonjë kontakt së fundmi me ndonjë të infektuar me COVID-19.