Prej fillimit të muajit qershor, rastet e evidentuara me koronavirus në Shqipëri kanë pësuar rritje, ndërsa institucionet shtetërore dhe ato shëndetësore në jo pak raste janë kthyer në vatra të përhapjes së virusit.
Së fundmi raportohet se dy nënkryetarët e Bashkisë së Lezhës kanë rezultuar pozitiv me Covid-19.
Ata janë të vetizoluar në shtëpi në gjendje të mirë shëndetësore.
Institucioni i Bashkisë së Lezhës vazhdon të jetë i hapur, ndërsa nuk është kryer ende dezinfektimi i bashkisë.
Më parë është raportuar se edhe kryebashkiaku i Mirditës, Ndrec Deda, është vetëkarantinuar në shtëpi pasi ka rezultuar pozitiv me Covid-19.
