Mbrëmjen e sotme Juventusi pret në “Allianz Stadium” skuadrën e Sampdorias. Bardhezinjtë shpërdoruan një mundësi për tu shpallur kampion për herë të 9-të radhazi në humbjen 2-1 ndaj Udinezes.
Gjithsesi, skuadra e drejtuar nga Sarri, ka një tjetër match point në garën për titull në sfidën që do të luhet sonte në orën 21:45. Java e 36-të mund të jetë ajo idealja që Maurizio Sarri të fitojë titullin e tij të parë në Serie A në karrierë.
Sarri ndaj Sampit do të hedhë në fushë formacionin më të mirë të mundshëm duke pasur parasysh mungesat.
Për Juven nuk do të jenë të gatshëm, Chiellini, Douglas Costa, De Sciglio dhe Sami Khedira ndërsa në dyshim është prezenca e Higuain për të cilin do të vendoset në momentet e fundit.
