Si disa vende të tjera, edhe Kosova po shqyrton mundësinë e trajtimit të pacientëve që kanë COVID-19 me plazmën e gjakut të atyre që e kanë kaluar më parë.
Pacientët që janë shëruar nga COVID-19 kanë fituar imunitet, dhe kanë krijuar anti-trupa të cilat gjenden në plazmën e tyre të gjakut.
Pikërisht kjo plazmë mund të ndihmojë që edhe pacientët e tjerë aktual të infektuar ta kalojnë virusin.
Diçka e tillë është e faktuar pasi është e provuar edhe në pandeminë e variolës në 1972.
Por zyra e OBSH-së në Kosovë thotë se ky trajtim nuk mund të implementohet pasi vendi nuk ka infrastrukturën e nevojshme, por gjithsesi Ministria e Shëndetësisë e lë si mundësi të hapur pasi ka filluar konsultimet me autoritetet përkatëse.
