Keidi Bare pranë transferimit te Espanyol, detajet e marrëveshjes

Keidi Bare pritet të lërë klubin e Malagës për të nënshkruar me Espanyolin.

Sipas që raportojnë mediat që qëndrojnë afër klubit andaluzian, mesfushori i kombëtares shqiptare ka arritur akordin për t’u transferuar te Espanyol duke gjetur rrugën e përbashkët për sa i përket anës ekonomike dhe kontratës që do të firmosë me skuadrën katalanase që sezonin e ardhshëm do të luajë në Segunda Division.

Gjithsesi që Bare të transferohet te Espanyol duhet që më parë dy klubet të arrinë një marrëveshje. Malaga kërkon rreth 2 milionë euro për kartonin e kuqeziut.

LEXO EDHE  Serie A/ Ismajli shkakton autogol, por Empoli i shqiptarëve merr fitoren e radhës

Shifër kjo të cilën nuk do ta përfitojë të gjithë klubi andaluzian pasi 20% e saj do të shkojë në arkat e Atletico Madrid që kur e lejoi Baren të transferohej me parametër zero te Malaga ruajti një pjesë të kartonit në rast rishitjeje të lojtarit.