Policia e Sarandës ka arrestuar në flagrancë dy persona, të cilin ishin me pushime në Jug, për veprën penale “Prodhimi dhe shitja e narkotikëve”.
Sipas burimeve zyrtare është arrestuar shtetasi E. P., 30 vjeç, banues në Lushnjë. Ky shtetas u kap në dhomën e tij të pushimit në Dhërmi, pasi gjatë kontrollit iu gjetën 16 doza lëndë narkotike të dyshuar si canabis sativa.
Po kështu arrestohet dhe shtetasi D. K., 37 vjeç, banues në fshatin Fermë Çlirim, Fier, pasi ditën e djeshme është kapur në rrugën e Ksamilit dhe gjatë kontrollit personal iu gjetën 2 doza lëndë narkotike të dyshuar si canabis sativa.
Materialet iu referuan Prokurorisë për veprime të mëtejshme, njoftoi policia.
