Spiropali ironizon me Kostaq Papën: Përfaqësuesit diplomatikë, nuk janë gra që joshen me uiski

Deputeti i opozitës parlamentare Kostaq Papa ka mbajtur një interpelancë me ministren për marrëdhëniet me Parlamentin Elisa Spiropali lidhur me të drejtat e shqiptarëve në diasporë.

Ai tha se çështja shqiptare po pengohet për shkak të atyre që janë në pushtet.

Ministrja ka replikuar duke ironizuar deputetin se përfaqësuesit në bisedimet diplomatike nuk janë gra që joshen me një uiski, duke iu referuar deklaratës së këtij të fundit e cila u bë virale pak muaj  më parë.

Debati

Papa:  Duhet harmonizuar faktori shqiptar në terren. Serbia faktorizon serbët në Kosovë dhe defaktorizon, me ndihmën e qeverisë së Tiranës, shqiptarët e Preshevës, të Medvegjëz, të cilët të papërfaqësuar ndihen të shtypur. Medvegja nuk është mbrojtur sa duhet. Çështja shqiptare është penguar nga Tirana, Prishtina, Shkupi, për arsye të atyre në pushtet.

Spiropali: Papa bisedimet diplomatike nuk janë ulje në tryeza baresh dhe përfaqësuesit nuk janë gra, që në përfytyrimin tuaj joshen me një uiski. Duhet ta shikoni fituesin shqiptar në Maqedoninë e Veriut. Ne nuk ndikojmë te rreshtimi politik, por ne veprojmë, ashtu sic kemi vepruar me Luginën e Preshevës, kur për herë të parë bashkuam faktorin shqiptar në një listë të vetme. Nuk merremi me folklorizma politikë, por veprojmë.

LEXO EDHE  Dyshimet për vrasjen e Elton Mermalit, Çfarë filmuan kamerat e sigurisë

Papa: Mos më ndërprisni, nëse kaloj disa sekonda.  Koha më kushtëzon dhe po sjell çfarë duhet ndryshuar. Duhet krijuar një Komision Parlamentar për çështjet etnike. Pasaportë shqiptare për të gjithë shqiptarët në trojet etnike. Strategji Kombëtare dhe koordinim me selitë diplomatike. Investime në trojet etnike. Të hiqet korrupsioni në ambasadat shqiptare në diasporë

Ruçi: Mbaroi koha zoti Papa. Depozitojini propozimet tuaja të vyera dhe uluni.