Një i ri është plagosur me mjet prerës gjatë një sherri të ndodhur në një restorant në Ksamil rreth mesditës së sotme. I plagosuri ndodhet në spital jashtë rrezikut për jetën. Ndërkohë, autori është shpallur në kërkim.
“Rreth orës 12:10, në një restorant në Ksamil, është goditur me mjet prerës për motive të dobëta shtetasi K.K., 23 vjeç, banues në Gjirokastër, i cili po merr ndihmë mjekësore në Spitalin e Sarandës, jashtë rrezikut për jetën”, njoftoi policia.
Të njëjtat burime shtuan se policia e ka identifikuar autorin dhe po punon për kapjen e tij.
“Po kryhen veprimet e mëtejshme për sqarimin e rrethanave”, njofton policia në informacionin paraprak lidhur me ngjarjen.
