Listës së politikanëve të infektuar me COVID-19 në Kosovë, raportohet se i është shtuar dhe Kadri Veseli. Sipas “Express”, kreu i PDK-së ka rezultuar pozitiv në testin për koronavirus.
Deri më tani, Veseli nuk ka njoftuar se është konfirmuar pozitiv, ndërkohë, të heshtur kanë qenë edhe në zyrën për media të pyetur nga media kosovare.
Zëdhënësi i PDK-së, Avni Bytyçi nuk është përgjigjur në pyetjet e gazetës për këtë temë.
Shefi i deputetëve të Partisë Demokratike ndërkaq ka thënë për “Express” shkurtimisht se nuk ka informacione për këtë temë.
Të Hënën e kësaj jave, Veseli u takua me kryetarin e PD-së Lulzim Basha, gjatë vizitës së këtij të fundit në Kosovë.
