Gentian Muça u shpall kampion i Superligës me skuadrën e Tiranës. Tashmë vetëm pak ditë pas këtij suksesi, kapiteni bardheblu ka marrë një tjetër vlerësim, por këtë herë në fushën e politikës.
Muça është propozuar nga anëtarësia e Partisë Demokratike, dega 8, si një kandidat për përfaqësim politik në nivel qendror dhe lokal.
Pasi fitoi titullin, tani mbrojtësi do përpiqet të fitojë edhe në fushën e politikës, të cilën mund ta nisë shumë shpejt. Mesa duket lojtari është shumë i lidhur me ngjyrat bardheblu, teksa edhe në politikë ka zgjedhur të përfaqësojë këto ngjyra.
