Ish-gjyqtari i Apelit, Gjin Gjoni ditën e djeshme dha dorëheqjen nga sistemi i drejtësisë.
Sot u njoftua nga disa media se ai është propozuar nga baza e PD për të kandiduar për deputet në zgjedhjet e ardhshme parlamentare.
Gjin Gjoni është propozuar për kandidat për qarkun e Lezhës ose të Tiranës dhe firmat janë mbledhur nga përfaqësues të anëtarësisë demokrate.
PD e mohon
Por ndërkaq burime zyrtare nga Partia Demokratike mohojnë lajmin e publikuar në media për kandidimin e ish-gjyqtarit Gjin Gjoni. Sipas PD, ky është një lajm i pavërtetë, pasi propozimi nga një anëtar partie nuk nënkupton kandidim.
Burimet zyrtare në PD konfirmojnë se “në metodologjinë e hartuar të seleksionimit të kandidatëve nga Komisioni i Vlerësimit të Kandidatëve, është përcaktuar qartë si kriter përjashtues, që nuk mund të kandidohet nga PD “asnjë individ i cili është larguar nga detyra për shkak të vettingut apo që ka dhënë dorëheqjen nga funksioni në drejtësi pas hyrjes në fuqi të ligjit të vettingut”.
