Tirana u shpall kampione e Kategorisë Superiore ditën e djeshme. Bardheblutë siguruan edhe matematikisht titullin kampion pas humbjes së Kukësit në Shkodër. Pas përfundimit të takimit në “Loro Boriçi” nisi festa me tifozët që vërshuan në rrugë, por edhe me lojtarët që festuan këtë trofe.
Urimet për këtë arritje të klubit bardheblu nuk kanë munguar as nga vajza dhe gruaja e legjendës së futbollit shqiptar dhe Tiranës, Selman Stermasi.
Mirjam dhe Nezihat Stermasi kanë uruar publikisht Tiranën për titullin kampion me një postim në Facebook.
“Urime Urime nga Zemra për fitoren e Tirones tonë nga z.Nezihat Stermasi dhe Mirjam Stermasi”, shkruhet në postim./NewsSport
