Meksika është duke kaluar një situatë aspak të qetë nga kartelet e drogës, të cilët përveç përplasjeve me njëri-tjetrin, tashmë janë duke luftuar edhe ushtrinë.
Një video, e filmuar nga kamera e trupit e një ushtari, është publikuar së fundmi gjatë shkëmbimit të zjarrit mes ushtrisë dhe pjesëtarëve të karteleve të drogës në Meksikë. “Daily Mail” shkruan se ngjarja ka ndodhur të premten e kaluar, kur anëtarë të ushtrisë dhe Gardës Kombëtare ishin duke patrulluar në qytetin Michoacan. Ata u sulmuan nga anëtarët e karteleve, të cilët ishin bashkuar për të luftuar kundër ushtrisë.
Pesë persona u vunë në pranga pas betejës me armë, e cila la të paktën një ushtar të plagosur.
Në videon e shpërndarë në rrjetet sociale shfaqen momente të të shtënave nga të dyja kampet, ku me në njërën anë qëndrojnë ushtarët në fushë të hapur dhe në anën tjetër anëtarët e karteleve që qëllojnë në drejtim të tyre.
Që nga viti 2006, më shumë se 250 mijë persona kanë vdekur si rezultat i luftës së qeverisë ndaj karteleve të drogës, e cila u fillua nga presidenti i atëhershëm Felipe Calderón, i cili u kritikua shpesh nga lideri aktual Andrés Manuel López Obrador.
