Në Maqedoninë e Veriut, në 24 orët e fundit janë regjistruar 241 raste të reja me koronavirus. Ndërkohë mësohet se janë kryer 1700 teste. Gjithashtu në 24 orët e fundit janë regjistruar 8 viktima.
Nga numri i rasteve të reja pjesa më e madhe janë nga: Shkupi-73, Shtipi 60, Tetova 32, Gostivari-14, Kumanova-10, Koçani tetë, Gjevgjelia gjashtë, Prilepi dhe Shën Nikolla secila nga pesë, Strumica katër, Struga, Radovishi dhe Kriva Pallanka nga tre, Ohri, Kërçova, Demir Hisari nga dy raste dhe nga një prej tyre ishin regjistruar në Dibër, Veles, Krushevë, Probishtip, Vinicë dhe Kratovë.
Deri dje numri i të vdekurve ishte 414 pacientë. U regjistruan edhe 51 të shëruar, me çka numri i të shëruarve tani është 4727. Raste aktive janë 3885. Deri më tani gjithsej të hospitalizuar në gjithë shtetin janë 419 pacientë. Deri më tani në janë bërë gjithsej 84916 testime për Covid-19.
Instituti i Shëndetit Publik (ISHP) regjistroi 51 persona të shëruar nga: Shkupi-40,Manastiri -1, Probishtipi-1, Demir Hisari-1, Kërçova-1, Resnja-7.
Aktualisht numri i rasteve aktive në Maqedoni është 3885. Më së shumti janë në qytetin e Shkupit 1868, pastaj vjen Tetova me 325, Shtipi me 272, Kumanova me 238, Gostivari me 190, Struga me 170, Shën Nikolla 169, Ohri 116, Dibra 111, Kërçova 80.
