Tottenham shkatërroi me rezultatin 3-0 Leicester City-n, duke i bërë një dhuratë të çmuar Manchester United, në rrugën e tyre drejt kualifikimit për në Champions.
Në “Tottenham Hotspur Stadium” të Londrës sfida praktikisht u vendos që në pjesën e parë, që u mbyll 3-0. Protagonisti i ndeshjes ka qenë Harry Kane, autor i dy gola në minutat 37-të dhe 40-të.
Fillimisht rezultati u zhbllokua në minutën e gjashtë. Son Heung-Min goditi në hyrje të zonës dhe më pas topi u devijua nga Justin i cili shënoi autogol. Më pas Harry Kane vendosi diktatin e tij. Sulmuesi anglez, ka realizuar 16 gola në 14 ndeshje të luajtura kundër Leicester në të gjitha kompeticionet, më shumë se ndaj çdo kundërshtari tjetër.
Me këtë fitore, Tottenham, është ngjitur përkohësisht në vendin e gjashtë të renditjes, i fundit që garanton një vend në Europa League.
