Maqedonia e Veriut ka regjistruar 241 raste të reja të koronavirusit të ri gjatë 24 orëve të fundit. Shifra është rekord i ri i rasteve të reja të regjistruar brenda një dite.
Numri i përgjithshëm i rasteve të regjistruara në vend është rritur në 9 026.
Ministria e Shëndetësisë njoftoi në bilancin ditor se janë raportuar 8 vdekje të reja nga COVID-19, duke e rritur numrin e përgjithshëm të vdekjeve në 414.
Maqedonia e Veriut deri më tani ka kryer 84 916 teste të dyshuara për COVID-19, përfshirë 1 700 teste të kryera gjatë ditës së fundit.
Numri i pacientëve të shëruar nga koronavirusi në vend është 4 727, prej të cilëve 51 në 24 orët e fundit, ndërsa numri i rasteve aktive 3 885.
