Dje, Kryeministri Edi Rama dhe kryetari i Bashkisë së Tiranës Erion Veliaj u shfaqën së bashku gjatë një aktiviteti publik. Ajo që binte në sy ishte se të gjithë ata që i rrethonin mbanin maska. Të vetmit që vepruan ndryshe ishin Rama dhe Veliaj.
Shfaqja e tyre pa maska në një aktivitet publik vjen një kohë kur të dy ata kanë bërë apel për respektim të masave për parandalimin e COVID-19, ndërsa grumbullimet janë të ndaluara, ashtu si dhe qëndrimi pa maskë në ambiente të mbyllura.
https://www.facebook.com/edirama.al/videos/275470677078969/?v=275470677078969
Sot, ministrja e Shëndetësisë Ogerta Manastirliu ka shpërndarë një video me pamje të rënda nga brenda spitalin Infektiv ku trajtohen të sëmurët me COVID-19. Pamjet janë të rënda, por ministrja duket se ka menduar që ti përdorë për të ndërgjegjësuar qytetarët, të respektojnë masat e vendosura nga autoritetet me qëllim mbrojtjen nga koronavirusi i ri.
https://www.facebook.com/OgertaManastirliu/videos/306666850529100/
Në komentin që shoqëron foton, Manastirliu shkruan:
“Lutemi vendoseni maskën. Mos rrezikoni jetën tuaj dhe të njerëzve tuaj më të dashur”.
Koordinimi në këtë rast i autoriteteve me përcjelljen e mesazheve çalon dhe madje tepër. Dje Rama e Veliaj shfaqeshin pa maska në një aktivitet publik. Sot, Manastirliu publikon pamje të rënda të të sëmurëve me COVID në spital dhe bën apel për mbajtjen e maskës.
Kujt duhet ti besojmë?
/BoldNews/
