Ministria e Shëndetësisë deklaroi sot zbulimin e 4 rasteve të reja me Covid-19 në Vlorë, nga 55 raste në total të konfirmuara në 24 orët e fundit.
Referuar të dhënave rezultojnë se 3 nga pacientët e rinj në Vlorë me Covid-19 janë punonjës të zyrës së gjendjes civile, atje ku dy ditë më parë u zbulua një prej punonjësese, e prekur nga koronavirusi.
Ndërsa, për personin e katërt, ISHP po bën hetimin epidemiologjik për të zbuluar se nga e ka marrë virusin.
Referuar shifrave të sotme shpërndarja gjeografike e rasteve është si vijon: 39 raste në Tiranë, 4 në Vlorë, 3 në Kukës, nga 2 raste në Durrës, Krujë, Kavajë, nga 1 rast në Shkodër, Elbasan, Kamëz.
Për herë të parë në javët e fundit, numri i të shëruarve në 24 orë është më i lartë se numri i të identifikuarve pozitive me Covid-19, ndërsa sot u raportuan të shëruar 77 qytetarë, duke e çuar në 2214 numrin e të shëruarve që nga fillimi i epidemisë.
