Klubi i njohur anglez, Leeds United, është rikthyer në Premier League pas 16 vitesh. Leeds United, finaliste e Kupës së Kampioneve në vitin 1975, siguroi matematikisht kalimin në elitë pas humbjes 2-1 të WBA në fushën e Huddersfield.
Djemtë e Slaven Bilic dolën pa pikë nga transferta e sotme, rezultat që gëzoi Huddersfield dhe Leeds United. Ekipi i drejtuar nga Marcelo Bielsa (prej vitit 2018 në stolin e Leeds) zhvilloi një sezon fantastik në Championship, aty ku kryeson me 87 pikë.
Leeds United është tre herë fitues i Divizionit të parë anglez (sot Premier League) në sezonet 1968–69, 1973–74, 1991–92, tre herë kampion i Divizionit të dytë (Championship) 1923–24, 1963–64, 1989–90, ndërsa siç u përmend më lart në vitin 1975 luajti në finale e Ligës së Kampioneve të cilën e humbi 2-0 përballë Bayern Munich.
WE ARE BACK!!! @PremierLeague
— Leeds United (@LUFC) July 17, 2020
