Një gjykatës amerikan hodhi poshtë një zgjidhje të propozuar prej 18.9 milionë dollarë (15.3 milionë £) të çështjeve të sjelljes së keqe kundër prodhuesit abuziv të Hollywood-it, Harvey Weinstein të martën, shkruan BBC. Fondi do të ishte shpërndarë midis dhjetra akuzueseve femra.
Sidoqoftë, akuzues të ndryshëm të tjerë e kishin quajtur të padrejtë, duke thënë se “e shfajësonte” Weinstein, vëllain e tij producent dhe bordin përgjegjës të kompanisë.
Weinsteinit iu dha një dënim me 23 vjet burg për përdhunim dhe sulm seksual në mars. Zgjidhja do të kishte shënuar fund për gati të gjitha pretendimet civile kundër tij, kompaninë Weinstein dhe disa drejtorë të saj.
Gjykatësi Alvin Hellerstein e hodhi poshtë atë marrëveshje. Ai gjithashtu do të kishte dhënë 10-15,000 dollarë për secilën akuzuese, ndërsa 15 milionë dollarë do të kishin shkuar drejt kostove të mbrojtjes të Weinstein.
Në një seancë telefonike 20-minutëshe, gjykatësi Hellerstein tha: “Ideja që Harvey Weinstein mund të marrë një fond mbrojtjeje përpara paditësve është i padurueshëm”.
Të mërkurën, avokatët për gjashtë nga akuzuesit e Weinstein paraqitën një kundërshtim për pagën e propozuar, duke e quajtur atë një “mashtrim mizor”. Ata u ankuan se Weinstein nuk do të duhej të pranonte përgjegjësinë për veprimet e tij dhe nuk do t’i bënte pagesat personalisht.
Zgjidhja, e njoftuar më 30 qershor, do të kishte zgjidhur një padi të ngritur në vitin 2018 kundër Weinstein, ndërmarrjes së tij të produksionit dhe vëllait të tij nga zyra e Prokurorit të Përgjithshëm të Nju Jork. Do të kishte zgjidhur gjithashtu një padi nga disa gra që e akuzuan atë për ngacmim seksual ose sulm.
Në shkurt, Weinstein u dënua në Nju Jork për kryerjen e një përdhunimi të shkallës së tretë dhe një akt seksual kriminal të shkallës së parë, dhe më vonë u dënua me 23 vjet burg.
