Gazeta gjermane “BILD” ka shkruar një artikull për reperen më të famshme shqiptare, Loredana Zefi. Ajo vetëm këtë vit ka dalë disa herë e para në top-listat zvicerane e gjermane.
Reperja zvicerane me prejardhje shqiptare ka pësuar humbje financiare për shkak të anulimit të koncerteve të planifikuara pas përhapjes së pandemisë Covid-19.
Vlerësohet që Loredana ka humbur së paku gjysmë milioni euro. Por edhe përkundër kësaj, Loredana vazhdon të ketë të ardhura të majme edhe përkundër krizës globale, sipas BILD+, Loredana tashmë ka arritur të ketë më shumë se 250-milionë transmetime vitin që shkoi.
Disa muaj më parë, një nga këngët e saj është dëgjuar hiç më pak se 7.6 milionë herë në Spotify. Me pagesën e zakonshme që bëhet nga ky transmetues i shërbimeve, del se ajo ka fituar 1.125 milionë euro brenda një viti dhe 34,200 euro për një javë.
Kështu ajo fiton 4,500 euro në ditë me muzikën e saj. Në baza mujore, ajo merr 146,000 euro duke bërë që të ketë të ardhura më të mëdha se reperi më i pasur gjerman, Shindy.
