Pesë raste të reja me koronavirus janë zbuluar në Krujë nga 13 tampone që i janë marrë personave të dyshuar.
Mësohet se nga hetimi epidemiologjik i kryer në këtë qytet, 13 pacientë të dyshuar për Covid iu nënshtruan testeve, ndërsa 5 prej tyre rezultuan pozitivë.
Mësohet se rastet e reja janë kontakte të rasteve të mëparshme, pra nuk përbëjnë vatra të reja.
Kruja është një nga qytetet më të prekura nga koronavirusi, në raport me numrin e popullsisë, ndërsa vatra të përhapjes së infeksionit janë evidentuar disa nga fasoneritë.
