Karl-Heinz Rummenigge, kryetari i bordit të drejtuesve të Bayern Munchen, ka folur me superlativa për talentin francez Ousmane Dembele por ka shprehur keqardhjen e tij që ai nuk mundi të shfaqë më të mirën e tij te Barcelona.
Sipas Rummenigge, Dembele ishte një nga lojtarët më të mirë në botë dhe se loja e tij argëtonte këdo kur luante për Dortmundin por me transferimin e tij te Barcelona, ka vuajtur.
“Kur Dembele ishte te Dortmundi, më pëlqente ta shikoja duke luajtur. Ai ishte një nga lojtarët e mi të preferuar. Që kur u nis për te Barcelona, më vjen keq të them se rritja i tij është ngadalësuar ndoshta edhe për shkak të shumë dëmtimeve”, u shpreh Rummenigge.
E ardhmja e Dembeles duket të jetë larg Barcelonës këtë sezon dhe interesimi për të, nuk mungon, sidomos nga Premier League angleze.
