Interi u rikthye mbrëmjen e djeshme te fitorja. Zikaltërit mposhtën 3-1 me përmbysje Torinon dhe goli e parë e falën.
Samir Handanovic si rrallë herë gaboi rëndë, duke lejuar që skuadra e tij të pësonte një gol lehtësisht të shmangshëm. Portieri nuk arriti dot të kontrollojë një top të ardhur nga goditja e këndit, duke e lëshuar nga duart dhe duke lejuar Belotin që ta shtynte i qetë në rrjetë.
Gjithsesi zikaltërit arritën të fitonin ndeshjen falë golave të Ashley Young, Diego Godin dhe Lautaro Martinez, përkatësisht në minutat 49’, 51’ dhe 61’.
