Basketbollisti i Houston Rockets në NBA, Russell Westbrook, ka rezultuar pozitiv me Covid-19. Ylli i NBA u testua përpara nisjes së ekipit për në Florida, aty ku pritet që sezoni të rifillojë në fund të muajit korrik.
“Në këto momente ndihem mirë, jam në karantinë, por mezi pres të ribashkohem me shokët e mi menjëherë pasi të jem shëruar – shkruan Westbrook në rrjetet sociale. – “Ju falënderoj për mbështetjen që më dhatë. Qëndroni të sigurt dhe mbani maskën tuaj!”
Westbrook nuk ishte i pranishëm në avionin me të cilin skuadra e “Rockets” u nis drejt Floridas (mungonte edhe James Harden), por trajneri Mike d’Antoni në mënyrë të paqartë ishte shprehur se “ata po punojnë të veçuar”.
