Partizani synon të përforcojë mesfushën dhe “Demat e Kuq”, duket se kanë gjetur lojtarin që kërkojnë për këtë repart. Burime pranë klubit të Partizanit konfirmojnë se 23-vjeçari Remi Dujardin, është pranë firmës me kampionët në fuqi.
Dujardin luan më shumë si mesfushor shkatërrues dhe është pjesë e kombëtares U-23 të Hong-Kongut. Gjithashtu, 23-vjeçari mund të luajë edhe si numër 8, disi më i avancuar në mesfushë.
Ekipi i tij i fundit, ka qenë HIFK Fotboll në Finlandë, por për shkak të pandemisë, nuk arriti të luajë me ekipin finlandez. Tashmë, Dujardin duket se do të vazhdojë karrierën e tij në Superiore./abcnews.al
