Gjykata e Apelit Tiranë, me trupë gjyqësore të kryesuar nga Ridvan Hado, ka pranuar ankimet e bëra nga Av. Arbër Hoxha dhe Av. Dritan Metani, duke u dhënë lirinë mjekëve Viktor Marku dhe Besim Lama, të cilët mjekuan Eduart Lamaj.
Masa e sigurimit “arrest në burg” u ndryshua në “detyrim për paraqitje në policinë gjyqësore”.
Por, pavarësisht ndryshimit të masës, mjekët përmes avokatëve të tyre, do të bëjnë rekurs në Gjykatën e Lartë, ku do të kërkojnë revokim e masës së sigurimit, e cila do t’i hapte rrugën pushimit të çështjes në ngarkim të tyre me pretendimin që fakti nuk përbën vepër penale.
Eduart Lamaj akuzohet për vrasjen e dyfishtë në Laç.
Në 31 Maj, dyshohet se Lamaj në bashkëpunim me disa persona të tjera, ekyekutuan Bujar Likën dhe Paulin Gjergjin.
Policia njofton se janë identifikuar dhe janë shpallur në kërkim dhe tre bashkëpunëtorë të tjerë. Mësohet se një prej tyre është personi i dytë që ka qëlluar në drejtim të Likës dhe Gjergjit
