Një tjetër rast me koronavirus ndër politikanët në Kosovë.
Deputeti i LDK-së, Frashër Demaj, ka njoftuar se ka rezultuar pozitiv me Covid-19.
“Të dashur familjarë e miq, Pavarësisht se jam munduar të jem shumë i kujdesshëm për vete dhe të tjerët duke bartur maskë gjatë gjithë kohës, si duket nuk ka mjaftuar. Të premten pasdite kam pasur temperaturë të lartë dhe kokëdhimbje. Pas publikimit të rezultateve të testit kam dal Covid pozitiv. Nga e premtja jam vetizoluar në shtëpi dhe po ndjek rekomandimet e mjekëve. Diana dhe Drini tani per tani janë mirë”, shkruan ai në një postim në FB.
Më herët, kanë njoftuar se janë infektuar me COVID dhe Isa Mustafa, ish-kryeministri i Kosovës e disa ligjvënës të tjerë.
